(1 votes, average: 4,00 out of 5)
Загрузка...Муус устар 5 күнүгэр «Сарыал» сынньалаҥ киинигэр Маргарита Иванова-Дайар Суһум кинигэтин биһирэмэ буолан ааста. Маргарита Иванова Сунтаар улууһун Түбэй сириттэн төрүттээх. Суруналыыс идэлээх. 1996-2000 сс. Таатта улууһун «Таатта» телерадиостудиятыгар редакторынан, онтон 2000-2005 сс. бу телерадиостудия салайааччытынан үлэлээбитэ. Россия суруналыыстарын сойууһун чилиэнэ, Таатта улууһун «Араҥас сулус» айар түмсүүтүн кыттыылааҕа.
Тэрээһиҥҥэ ыраахтан-чугастан автор чугас доҕотторо, бииргэ үлэлээбит үөлээннээхтэрэ, айар куттаахтар мустубуттар. Биһиги нэһилиэкпититтэн библиотека иһинэн үлэлиир «Иэйии» литературнай түмсүү ыҥырыллан кыттыыны ылла. Ол курдук, түмсүү кыттыылаахтара автор хоһооннорун үрдүк сыанаттан долгуйан туран аахтылар уонна эҕэрдэ тыл бастыҥын этэн, сэмэй бэлэхтэрин туттардылар.
Сырдык эйгэлээх литература киэһэтэ олус истиҥник ыытылынна, тэрээһини саха тылын уонна литературатын учуутала, «Уран тыл» литературнай түмсүү салайааччыта Оксана Андросова-Сандаара иилээн-саҕалаан сэргэхтик ыытта.