(2 votes, average: 4,50 out of 5)
Загрузка...
Ахсынньы 11 күнүгэр Россияҕа дьиэ кэргэн, өрөспүүбүлүкэҕэ оҕо саас сылларыгар аналлаах «Чолбон» сурунаал ыытар Өй күрэһэ Таатта улууһугар буолла. Күрэс олохтоох библиотекаҕа кэтэхтэн ыытылынна. Барыта улуустан 12 дьиэ кэргэн кытынна. Биһиги нэһилиэктэн Лопатиннар дьиэ кэргэн-Галина Владимировна, Вера Петровна уолунаан Мараттыын кытыннылар.
Күрэх түөрт түһүмэхтээх, ол курдук, Саха уус-уран литературатын төрүттээччилэр, репрессияламмыт суруйааччылар, Улуу Кыайыыга сүгүрүйэн уонна аныгы литература. Кыттааччылар биир чаас иһигэр бэриллибит ыйытыктарга хоруйдаан, билиилэрин тургуттулар.
Түмүккэ Чөркөөхтөн Вырдылиннар дьиэ кэргэн бастаатылар, Чымынаайыттан Прокопьевтар иккис уонна биһиги биир дойдулаахтарбыт Лопатиннар дьиэ кэргэн үһүс миэстэни ылары ситистилэр.
Күндү дьоммутугар Галина Владимировнаҕа, Вера Петровнаҕа, Маратка ситиһиилэринэн истиҥник эҕэрдэлиибит уонна тэрийээччилэр ааттарыттан махталбытын тиэрдэбит.