1 Star2 Stars3 Stars4 Stars5 Stars (2 votes, average: 3,50 out of 5)
Загрузка...
152 views

Игидэй ыччаттара улуустааҕы «Былатыан ыччаттара»күрэх кыайыылаахтарын аатын сүктүлэр

Кулун тутар 29 күнүгэр «Хадаайы» литературнай-художественнай музейыгар Саха ойуулуур-дьүһүннүүр искусствотын төрүттээччи, Саха АССР народнай худуоһунньуга Иван Васильевич Попов төрөөбүтэ 150 сылыгар уонна Таатта улууһугар ЭРЭЛ. ТАПТАЛ. ИТЭҔЭЛ сылыгар аналлаах  улуустааҕы эдэр ыччаттарга төрдүс төгүлүн «Былатыан ыччаттара» күрэс ыытыллынна.

Күрэскэ уопсайа тоҕус хамаанда түөрт түһүмэххэ күөн көрүстүлэр. Биһиги нэһилиэкпит ыччата бу күрэскэ бастакытын кыттан, икки хамаанда туруоран ситиһиилээхтик кытынна.

Хамаандалар «Ааҕыы умсулҕана»,  «Кэрэни кэрэхсээ»,  «Өбүгэбит ытык мала», «Күүстээхтэр, быһыйдар, сымсалар» диэн түһүмэхтэргэ билиилэрин, сатабылларын тургуттулар.

Түмүккэ  Игидэй нэһилиэгин бастакы хамаандата (Максимов А.А., Лопатина Т. Э., Жулева К. А.) күрэх түмүгүнэн КЫЛААН КЫАЙЫЫЛААХТАР  үрдүк ааты ылан 15 тыһыынчалаах сертификатынан наҕараадаланнылар.

Иккис хамаанда ( Павлов С.С., Дьяконова В. И., Протопопова Н.Н.) «БИИР СИТИМ» анал ааты ылары ситистилэр. Иккис миэстэ Ытык Күөллээҕи «Кэнчээри» оҕо уһуйаана, үһүс «Пенсионнай» тэрилтэ хамаандата буоллулар.

Күрэс тэрийээччилэригэр уонна нэһилиэкпит чиэһин көмүскээбит ыччаттарбытыгар истиҥ махталбытын тиэрдэбит.

 

Добавить комментарий

Ваш адрес email не будет опубликован. Обязательные поля помечены *