(1 votes, average: 4,00 out of 5)
Загрузка...Аҕам саастаах дьон норуоттар икки ардыларынааҕы күнэ 1991 сылтан сыл аайы алтынньы 1 күнүгэр бэлиэтэнэр.
Аҕа көлүөнэ дьоммут эдэр саастарыгар үлэ үөһүгэр сылдьан төрөөбүт дойдулара барҕара сайдыытыгар сүдү кылааты киллэрсибит үтүө-мааны, ытык дьоммут буолаллар. Кинилэр олоххо тапталлара, үтүөҕэ-кэрэҕэ тардыһыылара, олоххо баай-уоппуттар, мындыр толкуйдара үүнэр көлүөнэ ыччакка, үлэлии-хамсыы сылдьар дьоҥҥо холобур эрэ буолар. Аныгы көлүөнэ аҕа саастаах дьон хорсун олохторунан киэн туттар, кинилэргэ тэҥнээх буоларга дьулуһар.
Бу күн олохтоох модельнай библиотека уонна А. П. Варламова аатынан түмэл үлэһиттэрэ нэһилиэкпит ытык кырдьаҕаһын, библиотекабыт кырдьаҕас ааҕааччытын Габышева Марта Кононовнаны 75 сааһын томточчу туолбутунан уонна Аҕам саастаахтар күннэринэн эҕэрдэлээтибит. Ытык киһибит биһиэхэ холобур, сүбэ-ама буоларынан киэн туттабыт уонна махтанабыт!